Бесплатно летување ќе добијат 2.000 деца од социјално загрозени семејства

Kако и претходната година, така и оваа државата повторно обезбеди бесплатно летување на 2.000 деца од семејства со социјален ризик и корисници на социјален додаток. Јавниот повик за бесплатно летување веќе е објавен, а родителите ќе можат да аплицираат до 25 јуни.

Министерот за труд и социјална политика, Диме Спасов по средбата со раководителите на седумте одделенијата кои што функционираат во рамките на Меѓуопштинскиот центар за социјална работа на Град Скопје, рече дека се уште има слободни места за бесплатно летување.

-Децата ќе летуваат во туристичките места Струга и на Пелистер, а ќе им биде обезбеден бесплатен превоз, бесплатно сместување и полн пансион за седум дена и шест ноќи. Исто така, бесплатно ќе можат да летуваат и децата со инвалидитет и децата без родители кои со себе ќе можат да понесат и придружник. Право на бесплатен одмор ќе имаат и оние деца кои биле минатата година, рече Спасов.

На средбата со раководителите на центрите, како што рече тој станало збор и за тековните проблеми со кои се соочуваат центрите и за начините за нивно решавање и подобрување на услугите на граѓаните.

-Се работи за реновирање на одредени социјални центри, обезбедување на потребни средства за работа и кадар. Во наредниот период заеднички ќе работиме за подобрување на услугите на граѓаните, рече Спасов.

Тој додаде дека во наредниот период ќе започне и реновирање на некои од социјалните центри кои се наоѓаат во полоша состојба.

Коментари

коментари

Би можело да ве интересира: