Нов ден, нов театар од страна на СДСМ, изјави денеска Дафина Стојаноска, пратеник на од пратеничката група на ВМРО-ДПМНЕ.
Во продолжение целата прес-конференеција:
Денес СДСМ ја повлече кандидатурата на Љубомир Јовески за уставен судија. Главниот политички егзекутор, слепиот послушник и заштитникот на криминалот на власта во изминатите 6 години си ја заврши работата, а штета за тоа претрпе најмногу македонското судство.
По 2 и пол години и 25 продолженија на матичната комисија во Собранието и по еклатантно кршење и газење на Деловникот сега СДСМ глумејќи одговорна партија се откажа од Јовески.
Причината за овој театар е едноставно. Љубомир Јовески повеќе не е им е потребен бидејќи здачата за која што беше поставен си ја исполни, а со тоа криминалите на СДСМ и ДУИ 6 години беа заштитени.
Ние како пратеници од ВМРО-ДПМНЕ и коалицијата веќе 6 години во сите свои настапи и дискусии во Собранието но и по медиумите кажуваме дека овој човек е канцерот на македонското судство, во чиј мандат довербата во судството ја достигна нулата.
Неговиот мандат беше проследен со многу скандали, безброј непокренати обвиненија, скриени предмети, смешни и бизарни пресуди, ослободување на криминалци и уште многу партиски нарачани одлуки и пресуди.
СДСМ веќе нема никаква корист од Љубомир Јовески и исто као и со Катица Јанева и Вилма Русковска се одрекуваа од овој човек за повторно да си ги заштитат партиските интереси.
Доаѓа време на ревизии, на преиспитување на многу одлуки и решенија, но најбитно од се доаѓа време за одговорност на сите злодела и криминали што се случуваа во изминатите 6 години.
Одговорност ќе има и за оние што правеле криминали но и за оние кои што требаше да ги спречат истите, а ги штитеа.
Дафина Стојаноска, пратеник на од пратеничката група на ВМРО-ДПМНЕ
