Вработени во ДЗС ја злоупотребиле службената положба и причиниле штета од 154.816 денари

denari1-640x480 (1)

Поврзани вести

Кривични пријави за злоупотреба на службена положба и овластување се поднесени против тројца вработени во Дирекцијата за заштита и спасување на Република Македонија – подружници Гевгелија и Валандово.

Станува збор за Ѓ.И. (59) од Валандово, М.Т. (51) од Гевгелија и Ѓ.П. (45) од Валандово кои, како што соопшти полицијата, причиниле материјална штета  од вкупно 154.816 денари.

Првите двајца се товарат за 16, а третиот за 15 кривични дела „злоупотреба на службената положба и овластување“.

Прво и второ пријавениот во периодот од 1 декември 2014 година до 6 септември 2016 извршиле 16 инспекциски надзори во 14 правни лица на подрачјето на општините Гевгелија, Валандово, Дојран и Богданци, за што изготвиле 16 записници во кои констатирале прекршоци-недостатоци сторени од страна на одговорните лица во правните лица. Констатирале дека не се вршени мерења на громобранска инсталација и заштитно заземјување, како и дека нема на увид елаборати за извршени мерења на громобранска инсталација и заштитно заземјување. Согласно записниците, давале рокови од 30 дена, односно осум за отстранување на недостатоците.

– По изминување на дадените рокови не вршеле контролен инспекциски надзор за констатирање на состојбите и почитување на дадените рокови за отстранување на недостатоците. Со овие дејства Ѓ.И. и М.Т. му овозможиле на Ѓ.П., во својство на одговорно лице, во име и за сметка на правното лице да стекне имотна корист од 431.009 денари. По вршените инспекциски надзори од страна на прво и второпријавениот во правните лица, третопријавениот со вршење задолжените мерења на громобранската инсталација и заштитното заземјување и изготвување на задолжените елаборати, причинил вкупна материјална штета  од 154.816 денари, информира МВР.

#Коментари

Останати вести од оваа рубрика:

Коментари

коментари

Back To Top