Донација од германскиот Црвен крст за училишта од поплавените региони

crven krst

Поврзани вести

Црвениот крст на Република Македонија денеска официјално ќе прими донација од Црвениот крст на Германија која се состои од помош во опрема за училишта кои беа погодени од поплавите во Скопско и Тетовско на 6 август 2016 година.

Обезбедена е поддршка која содржи по еден лаптоп-компјутер, еден ЛЦД-проектор и едно платно за проектирање за шест основни училишта во поплавениот регион.

Донацијата ќе биде предадена во присуство на претставници од амбасадите на Германија и Австрија кои, како што посочува Црвениот крст на РМ, се негови долгорочни партнери во обезбедувањето поддршка за ранливите групи на население.

Црвениот крст потсетува на преземените акции по невремето и поплавите од минатото лето – покрај интервенциите за укажување прва помош, спроведени се и голем број акции за расчистување, парични средства, донации на храна, хигиенски продукти, облека, едукации на населението за справување со катастрофи, активности за зајакнување на капацитетите на заедницата итн.

#Коментари

Останати вести од оваа рубрика:

Коментари

коментари

Back To Top