Лилјана Кузмановска: Владата на СДС планира да ја задолжи државата наредната година за близу 1 милијарда евра

Поврзани вести

Лилјана Кузмановска од ВМРО – ДПМНЕ, денес одржа прес за јавноста во врска со тоа како владата на СДСМ планира да ја задолжи државата наредната година за близу 1 милијарда евра. 1 милијарда евра ќе бидат задолжени македонските граѓани и идните генерации.

1 милијарда евра поради задолжување и 1 просечна плата помалку за семејствата поради воведување на повисока акциза за нафтата.

СДСМ во изминатиот период на владеење покажа како не треба да се раководи со буџетската каса. СДСМ со потрошените 610 милиони евра за само шест месеци со ниту една реализација на проект кој е во корист на граѓаните го докажа своето расипништво. Владата на СДСМ секојдневно ги задолжува граѓаните и ја уништува иднината на идните генерации. СДСМ донесе единствено живот за кредиторите на Македонија – изјави Лилјана Кузмановска.

Лилјана потенцираше, дека државата новата година ќе ја започне со рекордниот буџет предвиден од СДСМ. Тоа значи дека Македонија во новата година ја чекаат нови рекордни задолжувања. Поточно СДСМ во 2018 година планира да ја задолжи Република Македонија за нови 854 милиони евра, 566 милиони евра на странскиот пазар и 288 милиони евра на домашниот пазар. Но доколку се земе во предвид фактот што СДСМ за неполни шест месеци успеа да ја задолжи државата за 440 милиони евра очекувано е со своето несовесно раководење со парите на граѓаните е оваа сума од 854 милиони евра да се зголемува и да го надмине планираното ниво.

Скандалозно е што македонската економија е на работ на колапсот, а владата на СДСМ и покрај тоа што го планира најголемиот буџет кој Македонија го имала досега ги заборави реалните потреби на граѓаните. СДСМ наместо да ја потпомогне македонската економија ги намали субвенциите предвидени за земјоделците за цели 24 милиони евра, пензиите нема да растат, а платите се зголемуваат селективно.

Земјоделците секојдневно се борат за опстанок и за шанса со макотрпна работа да ги прехранат своите семејства, а владата ги крати субвенциите за земјоделците. Оризарите, лозарите и раноградинарите молат за поголема откупна цена и помош од државата, а СДСМ ја крати помошта која заслужено ја добиваа- додаде таа.

Додека се крати на реалните потреби на граѓаните СДСМ ја задолжува Македонија без план и реални проекти, а вработените од „Фени“, „Колска“ и „Еурокомпозит“ секојдневно легнуваат и стануваат со помислата дали утре ќе имаат со што да го прехранат своето семејство.

СДСМ токму овие граѓани кој ги заборави ги задолжува за 854 милиони евра овие граѓани на кои Тевдовски, Заев и Анѓушев им го свртеа грбот, граѓани кои ќе треба од свој џеб да ги враќаат кредитите на црната тројка за задолжувањето – за крај изјави Кузмановска.

 

#Коментари

Останати вести од оваа рубрика:

Коментари

коментари

Back To Top