Целиот регион на Западен Балкан е подложен на руски и кинески дезинформации, не е тајна дека во Македонија и Црна Гора има медиуми кои повторуваат руски лаги, руски дезинформации, вели Џејмс Рубин, шеф на Центарот за Глобален ангажман во интервју за РСЕ .

Центарот е агенција на американскиот Стејт департмент, формирана со цел да се разоткрие и да се спротивстави на пропагандата и дезинформациите.

– Мислам дека не е тајна дека во Македонија и Црна Гора има медиуми кои повторуваат руски лаги, руски дезинформации, велејќи дека има биолошко оружје во Украина, кога тоа не е точно, што беше отфрлено дури и како идеја од страна на Конвенција за биолошко оружје во Женева. Тие исто така велат дека САД ја сакале оваа војна (во Украина) или дека ја гледаат оваа војна како операција за правење пари. Целата оваа чиста дезинформација е премногу изразена и премногу распространета на Западен Балкан. Затоа дојдов овде да разговарам со владите кои можат да направат нешто околу тоа, додава Рубин.

На прашањето дали некоја земја од Западен Балкан е поподложна на руски и кинески дезинформации од другите, Рубин смета дека целиот регион е генерално ранлив на овој проблем бидејќи медиумите се шират нашироко во регионот од многу различни места.

– Очигледно голем дел доаѓа од Србија и тоа е голем проблем што треба да се реши. Но, другите влади во Црна Гора, во Македонија треба да го спречат или да се обидат да го спречат ова, дека овие лаги се шират со сите алатки што можат. Би сакале да ги видиме да формираат владини тела кои можат да почнат да го испитуваат и анализираат овој проблем за да се обидат да го спречат, вели Рубин.

На прашањето како го коментира отворањето на Раша тудеј, меѓународна новинска организација контролирана од Русија, во Србија, Рубин вели: „Не би сакале да ги видиме Russia Today или (други) руски медиуми било каде во светот. Сакаме тие да се затворат. вели Рубин.