Денеска се одбележуваат 113 години од раѓањето на Мајка Тереза, родена како Агнеса Гонџа Бојаџиу на 26 август 1910 година на тогашната улица “Поп Кочина” број 14, која што се наоѓала на сегашниот плоштад Македонија.
Во 1979 година ја доби нобеловата награда за мир за извонредно широката дејност во помагањето на бедните, болните и унесреќените во целиот свет. Почина во Калкута, Индија, на 5 септември 1997 година по неколку годишна борба со болест на срцето и белите дробови
Две години по нејзината смрт, папата Јован Павле II, го започнува процесот за беатификација и канонизација, кој заврши во 2016 година со нејзино прогласување за светица, откако папата Франциск го признал второто нејзино чудо со лекување на човек од бразил со повеќе тумори на мозокот.
Во нејзина чест денеска во скопје се отвори третото издание на културно – научна манифестација “Деновите на Гонџе”.
