Претседателот на САД, Доналд Трамп и јужнокорејскиот претседател Мун Џае-ин разговараа за дипломатските начини за одржување на односите со Северна Кореја, соопшти Сеул, додека Пјонгјанг предупредува дека губи трпеливост поради ќорсокакот околу нуклеарните разговори.
Двајцата лидери се согласија во получасовен разговор дека ситуацијата станала „сериозна“ и дека треба да се води дијалог за „да се постигнат најбрзи можни резултати од преговорите за денуклеаризација“, соопштија од официјален Сеул.
Трамп и Мун исто така се согласија да се консултираат на дневна основа за тоа прашање.
Тензиите во корејскиот полуостров растат пред едногодишниот рок поставен од Пјонгјанг.
