Меѓународната истрага на десетина медиумски куќи, вклучувајќи ги Гардијан и Вашингтон пост, излезе со нови податоци.
Израелската ИТ компанија НСО на „авторитарни влади“ им продавала софтвер што може да се користи за хакирање и шпионирање на новинари, опозициски политичари и активисти.
Израелската компанија НСО Груп, која наводно стои зад шпионскиот софтвер „Пегаз, што им го продавала на разни влади кои наводно го користеле за да ги шпионира своите политички противници, новинари и активисти, исто така ја ангажирала и фирмата на, високата советничка на американскиот претседател Џо Бајден , Анита Ден.
Анита Дан е основач и партнер во SKDKnickerbocker political consulting, како што е наведено на веб-страницата на компанијата.
На страницата се наведува и дека таа работела како главен стратег на поранешниот американски претседател Барак Обама, како и дека во моментов не работи во компанијата, но дека наскоро се очекува нејзино враќање. Групата НСО, која е во центарот на хакерскиот скандал, го ангажирала СКДК во пролетта 2019 година за да помогне во зајакнувањето на нејзиниот имиџ, според извештаите на агенциите Fast Company и The Intercept.
Подобрување на имиџот на компанијата беше потребно по низа обвинувања дека софтверот што го развил бил искористен за шпионирање на бројни новинари и политички неистомисленици ширум светот.
Една од наводните цели беше саудискиот новинар Џамал Кашоги, кој беше убиен во 2018 година во саудискиот конзулат во Истанбул.
Американските разузнавачки служби ја поврзаа смртта на Кашоги со саудискиот принц престолонаследник Мухамед бин Салман, што официјален Ријад го негираше.
Истата година кога Кашоги беше убиен, неговиот пријател, саудискиот дисидент Омар Абдулазиз, поднесе тужба против НСО, тврдејќи дека компанијата помагала во шпионирање на телефонот на Кашоги.
Тужбата претставуваше и еден вид притисок врз Израел, кој во тоа време и требаше на компанијата да издаде потврда со чија помош ќе ги продава своите шпионски системи на странски влади.
Кон крајот на 2020 година, израелски суд одби да го отфрли случајот, а Абдулазиз побара отштета од 600 000 шекели.
Оттогаш, обидите на компанијата на Анита Дан да го зајакне имиџот на НСО беа следени од медиумите и беа објавени во неделата, кога се појави приказната за илјадници луѓе кои биле шпионирани со помош на Пегаз.
Во серија твитови, новинарот на Њујорк Тајмс, Кенет Вогел, изјави дека „некои од приватните работи на Анита Дан не се целосно во согласност со нејзините прогресивни чувства“. Тој изјави дека НСО и платила на нејзината компанија за услуги и во 2019 година, додека скандалот со шпионски софтвер сè уште трае.
На почетокот на јули. Анита Дан за Политико изјави дека „многу скоро“ има намера да ја напушти позицијата постар советник во Белата куќа.
Заедничката истрага на 17 медиумски организации, вклучително и британски Гардијан, Вашингтон Пост и француски Ле Монд, откри дека бројни активисти за човекови права, опозициски политичари, адвокати и новинари биле жртви на хакерски кампањи што ги започнаа нивните влади користејќи го системот Пегаз произведен од НСО Груп.
Истрагата наречена „Проект Пегаз“ ја водеше француската непрофитна медиумска организација „Забранети приказни“ – која исто така е финансиски поддржана од Фондот за отворено општество на Џорџ Сорос.
Во извештајот на Гардијан се наведува дека група медиуми откриле список со повеќе од 50.000 телефонски броеви на потенцијални жртви на шпионската кампања.
Системот Пегаз, првично наменет за употреба против криминалци и терористи, беше користен за шпионирање телефонски разговори и електронски пораки на политичките противници.
Медиумската група заклучи дека најмалку десет влади, клиенти на НСО, го користеле системот за шпионирање на политички противници, вклучувајќи ги Азербејџан, Бахреин, Казахстан, Мексико, Мароко, Руанда, Саудиска Арабија, Унгарија, Индија и Обединетите Арапски Емирати. Повеќето од бројките на анализираната листа, 15.000 од нив, потекнуваат од Мексико.
