Ковачевски остана пиун на Заев, а од СДСМ денес гласаа против повисоки плати и пензии, вели опозицијата во реакцијата на интервјуто на Димитар Ковачевски.
„СДСМ да го прифати предлогот на ВМРО-ДПМНЕ за повисоки плати во јавниот сектор и пензии.
ВМРО-ДПМНЕ предлага покачување на пензиите за 20%, со тоа пензионерите ќе се заштитат од економскиот удар и покачените цени.
Ковачевски бега од Декларацијата за Гоце Делчев, СДСМ ги минира македонските црвени линии со тоа што не се откажува од заевизмот.
Ковачевски да не бега и да ја прифати Декларацијата за Гоце Делчев. Доколку Ковачевски стои зад македонските црвени линии, нема причина зошто да бега од Декларацијата.
Тоа што Ковачевски бега од Декларацијата покажува дека тој не е сигурен во себе, и во тоа што преговара. Ковачевски не смее да се обврзе за заштита на Делчев, и тоа индицира дека тој работи на штета на интересите на државата.
Време е СДСМ и Ковачевски да дојдат со народот, наместо да стојат наспроти него. ВМРО-ДПМНЕ подава рака за национално обединување кога се во прашање државните и национални интереси и нивна заштита“, вели ВМРО-ДПМНЕ.
