Зошто треба да ги читате псалмите 26, 50 и 90 за време на опасност?

Читањето на укажаните псалми од страна на верниците во време на напади од непријателите, како видливите, така и невидливите, можеме да го објасниме со самата содржина на тие псалми. Така на пример, целиот 26-ти псалм, е сведоштво на душата, која верува во Бога, и целосно се надева на Него. Дадениов псалм започнува со следниве зборови: „Господ е моја светлина и мое спасение: од кого ќе се бојам? Господ е крепост на мојот живот, од кого ќе се плашам?“ (Псал. 26, 1). Свети Атанасиј Велики, размислувајќи за смислата на приведениве зборови, забележува: „оној кој му се доверил на Бога, преку Него се ослободува од секаква непријатност и ги надминува сите непријателски сили“.

Истото можеме да го кажеме и за 90-от псалм. Светиот цар и пророк Давид  со овој псалм се обраќа до секој што верува во Бога: „Зло нема да Ти се случи, и неволја нема да Ти се приближи до телото Твое, затоа што ќе им заповеда на ангелите Свои за Тебе, да Те чуваат на сите патишта Твои“ (Псал. 90, 10-11).

Сепак ако во 26-от и 90-от псалм, искрено се говори за Божјата помош, која го придружува човекот на сите негови патишта, тогаш 50-от псалм, на прв поглед, вакви зборови не содржи. Но неговата смисла, од богословска гледна точка, е многу длабока. Ако 26-от и 90-от псалм, се молби, упатени кон Бога со прозба да не ослободи од видливите и невидливите непријатели, тогаш 50-от псалм е насочен кон борба со главниот „непријател“ на човекот – неговиот грев. 50-от псалм – е плач на душата, која ја осознала својата гревовност. Човекот со зборовите од 50-от псалм го моли Бога: „најнапред изми ме од моето беззаконие и очисти ме од мојот грев“ (Псал. 50, 2), напоменувајќи ни дека гревот – е најглавниот проблем. Светите отци говорат: „оној што го видел својот грев, е многу поголем од оној што воскреснува мртви“.

Гревот – е главната преграда, која стои помеѓу нас и Бога, и токму затоа ослободувањето од гревот, за секого треба да биде главната цел во животот. За човекот е многу поважно целосно да се ослободи не од тие, кои непријателствуваат против него, туку од тоа, што е внатре во самиот човек – од сопствениот грев, кој е главниот непријател на Бога.

Извор: http://pravlife.org

ПСАЛМ 26

Во Божјата близина страв нема

1. Господ е моја светлина и мое спасение: од кого да се бојам? Господ е крепост на мојот живот, од кого ќе се плашам?
2. Кога се приближија до мене злобни противници и непријатели, за да го изедат телото мое, ослабнаа, се сопнаа, и паднаа.
3. И полк да се крене против мене, нема да се исплаши срцето мое; дури и цела војска да се дигне против мене, и тогаш ќе се надевам на Него;
4. само за едно Го молам Господа, само тоа го сакам: да останам во домот Господов преку сите денови на животот мој, да ја гледам Господовата убавина и да го посетувам Неговиот свет храм,
5. зашто во злочест ден Он би ме сокрил во Својата скинија, би ме сокрил под покривот на своето живеалиште; би ме искачил на карпа.
6. Тогаш главата моја ќе се издигне над непријателите што ме опкужуваат; и јас ќе принесам во скинијата Негова жртва поради радоста, па ќе пеам и ќе го фалам Господа.
7. Чуј го, Господи, гласот мој, бидејќи кон Тебе викам помилуј ме и услиши ме.
8. Срцето мое ги повторува Твоите зборови: – Барај го лицето Мое; и јас го барам лицето Твое, Господи.
9. Не сокривај го од мене лицето Свое; не го одбивај во гневот слугата Твој. Биди мој помошник; не отфрлувај ме и не ме оставај, Боже, Спасителе мој!
10. Зошто татко ми и мајка ми ме оставија, но Господ ме прими.
11. Научи ме, Господи, на Твојот пат и упати ме по патеката на правдата, поради непријателите мои;
12. не ме предавај на своеволноста на непријателите, зашто востанаа против мене лажни сведоци и дишат злоба.
13. Но јас верувам, дека ќе ја видам Господовата благост во земјата на живите.
14. Надевај се на Господа, биди мажествен; нека е цврсто срцето твое; надевај се на Господа.

ПСАЛМ 50

Покајничка молитва

1. Помилуј ме, Боже, поради големата Твоја милост, и заради големата Твоја добрина избриши ги беззаконијата мои.
2. Многупати ме изми од моето беззаконие и очисти ме од мојот грев,
3. зашто беззаконието мое го знам и мојот грев е секогаш пред мене.
4. Пред Тебе Единствениот згрешив и пред Тебе зло извршив, за да бидеш праведен кога ќе пресудуваш и да победиш кога ќе судиш.
5. Ете, во беззаконие сум зачнат и во грев ме роди мајката моја.
6. Но, Ти ја засака вистината во срцето, и внатре во мене ми ја објави непознатата и тајната премудрост Твоја.
7. Пороси ме со исоп, и ќе бидам чист; измиј ме и ќе бидам побел од снег.
8. Дај ми да чујам радост и веселба, и ќе се зарадуваат коските мои ослабнати.
9. Сврти го лицето Свое од гревовите мои и избриши ги сите мои беззаконија.
10. Создај чисто срце во мене, Боже, и дух вистински обнови во мене.
11. Не отфрлај ме од лицето Свое и Светиот Дух Твој не одземај Го од мене.
12. Врати ми ја радоста, спасувајќи ме и со Својот моќен Дух зацврсти ме.
13. Беззакониците ќе ги научам да одат по Твоите патишта, и безбожниците кон Тебе ќе се обрнуваат.
14. Избави ме од крвта, Боже, на моето спасение, и јазикот мој ќе се зарадува на Твојата правда.
15. Господи, отвори ја устата моја, и устата моја ќе ја објави похвалата Твоја;
16. оти, да сакаше жртва, јас ќе Ти ја принесев; но сепалениците не ги сакаш.
17. Жртвата пред Бога е смирен дух; срце понизно и смирено Ти, Боже, не отфрлуваш.
18. Господи, направи му добро на Сион, според благоволението Свое, воздигни ги ѕидовите ерусалимски.
19. Тогаш ќе Ти бидат угодни жртвите на правдата, вознесувањата и жртвите сепаленици; тогаш на Твојот олтар ќе принесуваат телци.

ПСАЛМ 90

Бог е наш вечен заштитник

1. Кој живее под закрилата на Севишниот, тој престојува во домот на небескиот Бог.
2. И ќе Му рече на Господа: Ти си мој застапник, Ти си мое пребивалиште, Бог мој, и на Тебе ќе се надевам!
3. Зашто Он ќе те избави од стапицата на ловецот, и од збор кој збунува.
4. Со плеќите Свои ќе те осени и под крилјата Негови ќе бидеш во сигурност: како што ќе те окружува Неговата вистина.
5. Нема да се уплашиш од ноќен страв, ни од стрела што лета дење,
6. од суштества што одат во темнина, од зараза и од бес што опустошува напладне.
7. Покрај тебе ќе паднат илјада, и десет илјади десно од тебе; но до тебе нема да се приближат;
8. само ќе гледаш со очите свои и ќе ја гледаш отплатата на грешниците.
9. Зашто, ти, си Господи, надеж моја, Севишниот го избра за Свое прибежиште;
10. зло нема да Ти се случи, и невојла нема да Ти се приближи до телото Твое;
11. затоа што ќе им заповеда на ангелите Свои за Тебе, да Те чуваат на сите патишта Твои.
12. Ќе Те понесат на раце, да не ја сопнеш од камен ногата Своја;
13. на отровница и на змија ќе нагазуваш, лав и змеј ќе убиваш.
14. „Бидејќи се надеваше на Мене, и ќе го избавам, и ќе го заштитам, зашто го позна името Мое.
15. Ќе повика кон Мене, и ќе го чујам; со него сум во неволја; ќе го избавам и ќе го прославам,
16. ќе му дадам многу денови и ќе му го јавам спасението од Мене.”

Старецот

Бог е наш вечен заштитник

1. Кој живее под закрилата на Севишниот, тој престојува во домот на небескиот Бог.
2. И ќе Му рече на Господа: Ти си мој застапник, Ти си мое пребивалиште, Бог мој, и на Тебе ќе се надевам!
3. Зашто Он ќе те избави од стапицата на ловецот, и од збор кој збунува.
4. Со плеќите Свои ќе те осени и под крилјата Негови ќе бидеш во сигурност: како што ќе те окружува Неговата вистина.
5. Нема да се уплашиш од ноќен страв, ни од стрела што лета дење,
6. од суштества што одат во темнина, од зараза и од бес што опустошува напладне.
7. Покрај тебе ќе паднат илјада, и десет илјади десно од тебе; но до тебе нема да се приближат;
8. само ќе гледаш со очите свои и ќе ја гледаш отплатата на грешниците.
9. Зашто, ти, си Господи, надеж моја, Севишниот го избра за Свое прибежиште;
10. зло нема да Ти се случи, и невојла нема да Ти се приближи до телото Твое;
11. затоа што ќе им заповеда на ангелите Свои за Тебе, да Те чуваат на сите патишта Твои.
12. Ќе Те понесат на раце, да не ја сопнеш од камен ногата Своја;
13. на отровница и на змија ќе нагазуваш, лав и змеј ќе убиваш.
14. „Бидејќи се надеваше на Мене, и ќе го избавам, и ќе го заштитам, зашто го позна името Мое.
15. Ќе повика кон Мене, и ќе го чујам; со него сум во неволја; ќе го избавам и ќе го прославам,
16. ќе му дадам многу денови и ќе му го јавам спасението од Мене.”

Старецот Виталиј советувал на почетокот и на крајот од псалмите и помеѓу нив да се прочита и Богородице Дево:

„Богородице Дево, радувај се благодатна Марије, Господ е со тебе,

Благословена си Ти меѓу жените и благословен е плодот на Твојата утроба,

зашто си го родила Спасителот на нашите души!“

Старецот Јован Оптински велел:

“Еве што ќе ти кажам! Еднаш ми кажа дека ѓаволот ги насочува стрелите кон тебе! Не плаши се! Никоја од нив нема да те допре, не плаши се од нечистотии. Само примете го го мојот совет како правил и послушајте: Читајте ги наутро и навечер, пред вашите молитви, овие два псалма – 26-ти и 90-ти, а пред нив великиот архангелски поздрав „Богородице Дево, радувај се.“

Ако го сториш тоа, не оган ќе те земе, ни вода ќе потопи!… И не обрнувај внимание на секоја нечистотија! Што може да ви направи ѓубрето! За тоа сакав да разговарам со тебе. И сега оди со Господ …“