Министерот за надворешни работи Бујар Османи денеска истакна дека граѓаните имаат право на протести и критики, но целиот анти-наратив е заснован на погрешни протоколкувања на европскиот предлог.
-Во однос на македонскиот јазик, ги прашав критичарите дали би менувале нешто за јазикот во оваа рамка доколку самите го пишувале. Одговорот е не. Нема почиста формулација за јазикот од оваа предлог-преговарачка рамка. Такви се формулациите за сите држави кои биле кандидати на ЕУ. Црна Гора во својата рамка немаше воопшто јазик. Во нашата рамка, прашањето на јазикот е идентично. Во рамковната позиција на Бугарското собрание немаше опција за македонски јазик, туку да стои јазик на Македонија или со ѕвездичка, за да дојдеме до ова решение кое е апсолутно чисто, потенцира шефот на македонската дипломатија.
Според него, формулацијата за јазикот би била иста и доколку Бугарија не би била во нашето соседство.
-Република Бугарија ќе гласа за рамка во која македонскиот јазик ќе биде чист. Ова е првпат Бугарија да потпише ваков документ. Тие пет години не кочат, не можеме да го потпишеме договорот со Фронтекс. Реалноста е таа, додаде Османи во вестите на Тв Сител.
