Напаѓачот на Лос Анџелес Галакси, Златан Ибрахимовиќ, не преговара со Милан. Претходно беше објавено дека 37-годишниот шведски интернационалец може да се врати во овој клуб.
– Ние не преговаравме со Милан за трансфер. Имавме многу средби со претставници на други клубови, но не со Милан, информира Мино Рајола, агентот на Ибрахимовиќ.
Швеѓанецот играше за Милан од 2010 до 2012 година. Како дел од Росонерите, тој стана шампион на Италија и го освои Суперкупот.
