Лажните ветувања ја прелија чашата трпение – пациентите со цистична фиброза се уште се без лекот Трикафта. Кога ќе го добијат нема конкретен датум. Болните секојдневно молат за лекот кој живот ми значи и алармираат дека здравјето им се влошува се повеќе. Мајка на 17 годишно дете кое боледува од цистична фиброза револтирано прашува до кога ќе ги чекаат бирократските процедури, објавува ТВ АЛФА.
Во меѓувреме, пратеничката група на ВМРО-ДПМЕ предлага законски олеснувања за лекување на болните од цистична фиброза. А со тоа и да бидат ослободени од плаќање на партиципација и патарини.
Со овие измени терапијата требаше да ја добијат сите болни од цистична фиброза, но тие се уште се мачат и не може да го добијат лекот „Трикафта“. Станува збор за околу 130 лица во државава… Ние, како пратеничка група на ВМРО-ДПМНЕ и Коалицијата, итно бараме да се обезбеди модуларна терапија за сите болни од цистична фиброза. Како пратеничка група сме во постојан контакт со овие лица. Ги повикуваме пратениците од владејачката коалиција да покажат доблест и да ги поддржат измените на овие два закона со цел олеснување на животот на лицата со цистична фиброза, рече Ристески.
Откако пред четири месеци почина пациент од цистична фиброза, досега Трикафта добија 12-мина и кај сите нив има значително подобрување на состојбата. За време на последниот протест на почетокот на мај од финании добиле ветување дека Владата обезбедила пари за уште 18 пациенти, а лекот го чекаат уште 130, меѓу кои има и деца.
