Пожар избувна во најголемиот тематски парк во Германија.

Како што јавија медиумите, огнената стихија е од големи размери.

Се гледа како се издига голем густ чад. Станува збор за тематскиот парк Европа. Од полицијата потврдија дека имало пожар, но причините не се познати.

Од повеќе правци пристигнуваат повеќе противпожарни возила. Испратена е брза помош, а над паркот кружи хеликоптер, пишува Бадише цајтунг.

Некои очевидци тврдат дека слушнале звук од експлозија. Како што изјавија некои за 24min.ch, пристапот до шпанскиот дел од паркот е затворен.

„Луѓето останаа заглавени на тобоганот“, рекол еден од присутните.