СДСМ преку ефикасни, одржливи мерки и решенија постојано работи на унапредување на животниот стандард на сите граѓани, а особено на пензионерите, се истакнува во денешното соопштение на владејачкиот СДСМ.
Во продолжение целото соопштение од оваа партија:
Ако во 2016 година, просечната пензија изнесуваше 13.754 денари, а денес таа во 2023 година изнесува 19.106 денари, што е покачување од 40 отсто во време на мандатот на владите предводени од СДСМ.
За постојан и навремен раст на пензиите, заедно со пензионерите донесевме нова методологија со која пензиите се зголемуваат на секои шест месеци.
Со новата методлогија пензиите за само 18 месеци од јануари 2022 до септември оваа 2023 година, ќе се зголемат за 26 отсто, додека за истиот период минималмната пензија ја зголемивме од 9.000 на 12.500 денари.
Тоа е значително поголем раст на пензиите споредено со годините пред 2016 кога ДПМНЕ надвор од закон, паушално и исклучиво пред избори ги зголемуваше пензиите за незначителен износ.
Покрај растот на пензииите, обезбедивме и дополнителна финансиска помош во најтешките месеци од светската економска криза, претходно обезбедивме и социјална пензија за оние лица кои не ги исполнуваа условите за старосна пензија.
Нашите највозрасни сограѓани кои ја граделе оваа држава треба да имаат услови за достоинствен живот, а ние како СДСМ токму тоа им го овозможуваме и затоа продолжуваме со вистинска грижа на дело за нашите сограѓани.
СДСМ
