Фронт „Не за Русија – Да за Европа!“ стана Фронт „Не за Русија – да за Владата!“, порача Изет Меџити од коалицијата Вреди, откако ВМРО-ДПМНЕ и Европскиот фронт, предводен од ДУИ синоќа се договорија да добијат поддршка од ДУИ за законот за реконструкција на министерствата.
Еве што напиша Меџити:
Фронтот „Не за Русија, да за Европа“ на седницата за одобрување на Законот за реорганизација на органите на управата уште еднаш докажа дека никогаш не ја видел маката на Европа, ниту маката на шовинизмот, а особено не ја видел маката на Албанците. Леснотијата со која пратениците на ДУИ синоќа се согласија да ги поддржат законите на мнозинството, покажува дека единствено што ги интересира е како да се направи капа за Владата, макар и како патерица за парламентарното мнозинство. Формирањето на ад хок телото за правична застапеност, очајнички изум за оние кои 20 години имаа можност да обезбедат фер застапеност, но не, говори дека ДУИ е подготвена да прифати се, па и вмровската милостина, само да остане во сенка на моќта.
„Европскиот фронт“ синоќа гласаше „Да за Русија! Ова гласање ја покажува дволичноста на фронтмените на ‘фронтот’, флексибилноста на нивните ставови и секако, расположението да се биде во владата во која било варијанта, само да се биде!
Реков дека „Европскиот фронт“ е во внатрешна криза во текот на целата кампања. Тоа вчера јасно се виде, бидејќи беше запечатено при гласањето. Во обид да го сокријат фактот дека тројца пратеници на „фронтот“ се подготвени да ги изгласаат мнозинските закони, тие се обидоа да покажат единство со гласање на целата група. Но, на крајот заминаа пратениците на Зиадин Села! Со овој чин се виде дека единствената мисија на „фронтот“ е власта. Кога нема влада, нема ниту „фронт“.
Синоќа конечно се симнаа маските. Фронтот „Не за Русија – Да за Владата“ го покажа своето вистинско лице. Поради големата желба за власт, дури и со ВМРО, која цела кампања ја нарекуваа проруска и антиалбанска партија, синоќа побрзаа да се договорат и без проблем да ги изгласаат законите. Пред една недела истите тие пратеници, истиот фронт не гласаа за Африм Гаши, Албанец, за претседател на Собранието. И навистина селото што се гледа, калаус нема!
