Во Белгија завршија европските избори, чии резултати најмалку ја интересираат јавноста, бидејќи истовремено се одржаа и национални и регионални избори.
Кај сите нив, излезноста не е сомнителна бидејќи гласањето во Белгија не е само граѓанска, туку и законска обврска, па неизлезот се казнува со парична казна.
Бидејќи се одржаа голем број избори, а Белгија е поделена на јазични единици, ќе треба многу време за конечните резултати.
Но, според првите резултати, се потврдија прогнозите дека ќе има пораст на екстремната десница, но уште повеќе на екстремната левица.
Екстремната партија Фламански интерес доби близу 25 отсто од гласовите во Фландрија, иако тие се во тесна битка за првото место со партијата Н-ВА, која е националистичка, но ни приближно радикална како Фламански интерес. Партијата на премиерот Александар Де Кро доби голем удар.
Додека крајната десница добиваше сила во Фландрија, на спротивната страна, крајната левица, Работничката партија на Белгија (PTB), забележа огромен пораст. Според анкетите, оваа комунистичка партија има 24 отсто во Валонија, а околу 20 отсто во Брисел и тие може да завршат како релативни победници.
Либералите добро се снајдоа и во француското говорно подрачје на Белгија.
Падот го забележаа Зелените кои имаа голем пораст во 2019 година. Но, формирањето влада во оваа земја е толку комплицирано и тешко што процесот може да потрае и до две години.
Овој пат во Белгија право на глас на изборите за Европскиот парламент имаа и 16-годишници.
