Властите во јапонската префектура Јамагата усвоија закон со кој се бара од граѓаните „да се насмевнуваат барем еднаш дневно“.
Како што е наведено, тие „ќе го продлабочат своето разбирање за корисните ефекти на смеата и ќе го обликуваат нивното ментално и физичко здравје“, пишува „Дејли мејл“.
Новата регулатива се заснова на научен труд објавен пред пет години, а на компаниите им се наложува да „развијат работна средина исполнета со смеа“.
Се верува дека смеењето „ќе го подобри здравјето на граѓаните и ќе го намали ризикот од срцев удар“.
Од друга страна, новиот потег на владата предизвика гнев кај критичарите кои го сметаат за напад на „слободата на мислата и внатрешната слобода“.
Законот беше предложен од конзервативната Либерално-демократска партија, која има мнозинство во собранието на Јамагата, а набрзо беше усвоен.
Експертот за јапонскиот устав на Универзитетот Кјушу, Шигеру Минамино, смета дека одлуката е лоша.
„Да резимираме: не биди смешен. Тоа не е твоја работа. Верувам дека е добро да се смееш барем еднаш дневно, но тоа зависи од моето лично мислење и вредности. Тоа не е нешто што треба да го нарача или препорача собранието“.
На ист став е и претставникот на Комунистичката партија на Јапонија, Тору Секи.
„Да се смееш или не е едно од основните човекови права, гарантирано со устав во однос на слободата на мислата и религијата, како и внатрешната слобода“.
