Потпретседателката на САД, Камала Харис официјално го освои потребниот број делегатски гласови за да стане претседателски кандидат на Демократската партија.
Потпретседателката на САД, Камала Харис официјално го освои потребниот број делегатски гласови за да стане претседателски кандидат на Демократската партија и првата обоена жена на врвот на партиската листа, објави претседателот на Демократскиот национален комитет.
Номинацијата на Камала Харис се одржа преку виртуелно гласање.
Камала Харис сега е уверена дека ќе стане демократска кандидатка на претседателските избори во ноември, откако ја доби поддршката од повеќе од половина од делегатите во гласањето преку Интернет, соопшти партијата.
Потпретседателката на САД рече дека ѝ е „чест“ да го премине прагот пред затворањето на гласачките места во понеделникот.
Харис официјално ќе ја прифати претседателската номинација на конвенцијата на демократите закажана за средината на август во Чикаго.
