Ова е новиот Bentley Continental GT, и е прилично неверојатен. Ова е најмоќниот Bentley до сега, но сепак е поекономичен од Renault Clio. Ова е најудобниот Continental GT до сега, но сепак вози како суперавтомобил. 6 литарскиот W12 twin-turbo мотор е мртов. Continental GT сега е plug-in хибрид и можеби сте малку зачудени, зарем не се plug-in хибриди за аеродромски такси возила? Сепак, постои една многу добра причина поради која не треба да се грижиме. Па, всушност 771 добра причина. Ова нешто има 771 коњски сили. Bentley го вгради новиот Continental со, хибриден погон со ултра-перформанси кој 5 години го развиваа од нула. Комбинира 4 литарски V8 турбо мотор и електричен мотор со 190 коњски сили, и двата ги возат сите четири тркала преку 8-брзински менувач со двојна спојка. Вкупниот вртежен момент е 1.000 њутн метри, а автомобилот достигнува 100 километри на час за 3,3 секунди, со максимална брзина од 334 километри на час. Електричниот режим на возење достигнува до 80 километри на едно полнење со брзина до 159 км/ч, а батеријата е поставена зад задната оска за да му даде на автомобилот совршена распределба на тежината 50/50.

Резултатот е изведба што го праќа секој Continental GT до сега во историјата, исто и Supersport моделите. Тоа е автомобил со 100 коњски сили повеќе од Aston Martin DB12, но сепак испушта само 36 грама на километар CO2, што го прави овој еден од најефикасните бензински автомобили на пазарот денес. Дизајнерски, овој модел, во основа е фејслифт, и покрај тоа што Bentley го нарекува автомобил од новата генерација. Има нов дизајн на тркалата, а долниот браник е малку изменет, но прилично голем дел од ова е веќе познато, освен фаровите. Ова е првиот Continental GT каде што имаат единечни фарови од двете страни. Светлата сега се елипсовидни наместо тркалезни, така што од малку шокиран и изненаден стана сомнителен и агресивен изглед. Но, како и сè во овој Bentley – или кој било Bentley – деталите се навистина импресивни. Погледнете внимателно и ќе го видите ефектот на дијаманти во светлата, шема што се пресликува и на задните светла.

Во ентериерот нема многу промени. Тоа и не е лоша работа, бидејќи ова е сè уште еден од најдобрите примери на една од најлуксузните кабини некогаш направени. Раскошно е и елегантно. Бентли вели дека нивните материјали се инспирирани од високата мода. Единствената голема промена во внатрешноста е опцијата за дехромирање на контролната табла и дел од везот на седиштата е малку поинаков. Софтверот е исто така надграден, вклучувајќи безжично приклучување на паметни телефони, помош за далечинско паркирање со помош на апликацијата Bentley и далечинско полнење. Доаѓа како кабриолет или купе, но како и да е, ќе се мачите со задните седишта освен ако не сте далеку под просечната големина.

Plug-in хибрид системот. Веќе знаеме дека хибридите можат да бидат и брзи и ефикасни. За жал, знаеме и дека хибридите можат да бидат исто толку забавни како и политичка изборна дебата. Значи, дали моќта на овој Continental ќе го корумпира апсолутно, или ќе стане врвниот автомобил со двојна намена – дефинитивниот Гранд Турер, како што тврди Bentley? Eлектричниот мотор го елиминира турбо лагот и го зголемува вртежниот момент, така што реакцијата од гасот треба да биде поостар дури и од кај W12 Speed. Електромоторот, исто така, ги пополнува празнините во вртежниот момент при промена на брзината, така што треба да ги добиете најмазните манувања на брзини. Но, што се случува кога батеријата ќе се испразни? Решението на Bentley за ова е режим на полнење што го користи моторот и да ги придвижува тркалата и да ја полни батеријата кога само се возите. Прилично, сите хибриди имаат функција за регенеративно полнење со користење на сопирачките, исто како и ова возило. Но, Bentley вели дека неговиот режим на полнење значи дека никогаш нема да мора да го приклучите автомобилот во полнач.

Bentley има смели тврдења за динамичната способност на Continental GT. Тие го нарекуваат секојдневен суперавтомобил, што не е баш како што би ја опишале претходната верзија, која беше многу повеќе од GT. Како се справуваат со ова? Настрана од целосната брзина и распределбата на тежината од 50/50, неговиот активен систем за погон на сите тркала може да ја испрати целата моќ на задниот дел. Вртењето со четири тркала е исто така пренесено од GT Speed, така што ова ќе биде најостар за управување, стандарден Continental GT досега. Прилагодливата суспензија е сосема нова, со многу широк опсег и многу побрзо време на одговор од порано. Тоа го прави автомобилот поудобен, но и подобар во намалувањето на “body roll” во спортскиот режим. Векторирањето на вртежниот момент и електронскиот диференцијал се повторно подесени за да ја испратат силата точно онаму каде што е потребна кај сите четири тркала.

Сето тоа се надоврзува на автомобил кој треба да биде подобар на двата краја на спектарот, комфорт или спорт. Возењето на едниот крај треба да биде побрзо и поспортски, а на другиот потивко, поудобно и поефикасно. Во теорија, можете да го користите ова како автомобил со нула емисии и да не плаќате прилично ништо за гориво. Премногу добро за да биде вистина? Дали ова ќе биде попосакуван автомобил од Aston Martin DB12 или Ferrari Roma?

Цената му е околу 250 000 долари.