Меѓу убиените во пукотницата на Менхетен е и Весли Ле Патнер, извршен директор на инвестициската фирма „Блекстоун“, која управува со фонд за луксузни недвижности вреден 53 милијарди долари, објави „Блумберг“.
Вкупно пет лица беа убиени, а шест беа повредени. Вооружениот напаѓач изврши самоубиство.
Човекот кој отвори оган во канцелариската зграда на Парк Авенја патувал низ половина од земјата, од Лас Вегас до Њујорк.
Кон крајот на 2024 година, Брајан Томпсон, виш менаџер во најголемата компанија за здравствено осигурување, „Јунајтед хелт кер“, беше убиен во Соединетите Американски Држави.
