Русија го предупредува САД: „Вжештени глави“ да не се обидуваат за воен удар во Венецуела

Русија упати предупредување до „вжештените глави“ во САД на опасни последици од воено сценарио во Венецуела, изјави денеска заменик шефот на руската дипломатија Сергеј Рјабков.

– Со загриженост гледаме на обидите на САД да консолидираат анти-чавез движење против Венецуела од државите на Јужна Америка. Тоа е загрижувачка тенденција…Обидот за воена интервенција би бил катастрофален за развојот. Ги предупредуваме вжештените глави во Вашингтон против такви обиди, изјави Рјабков.

САД воведоа санкции за Венецуела, а претседателот Доналд Трамп изјави дека воена опција „и понатаму е на маса“.