Новото гласање за договорот со Европската унија во британскиот Парламент се очекува на крајот од март, пишува британскиот весник „Гардијан“.
Преговорите за брегзит ќе се водат до последен момент од Тереза Меј и ЕУ, бидејќи бриселскиот предлог за ирската граница се очекува да биде поднесен во британскиот Парламент само неколку денови пред Лондон да ја напушти ЕУ.
Во тензичните преговори во четвртокот, Тереза Меј и претседателот на Европската комисија Жан-Клод Јункер се согласија да одржат следни тет-а-тет разговори до крајот на февруари.
Овој потег го скратува времето што останува и носи притисок врз британскиот Парламент да прифати што е предложено или да се соочи со сценарио без договор, наведува весникот.
