Американскиот државен секретар, Марко Рубио, ја прифати поканата на премиерот Еди Рама и се очекува набрзо да ја посети Тирана, изјави амбасадорот на Албанија во Вашингтон, Ервин Бушати по средбата со Рубио.
Го поканив секретарот Рубио да ја посети Тирана – Балканската порта за САД – од две причини: Прво, затоа што Албанија е успех на американската дипломатија, преминувајќи од комунистичка диктатура во една од најпроамериканските и проНАТО земји во Европа. Второ, затоа што сме мала нација, но со големо срце, како Мајка Тереза, со порака за повеќе љубов и во служба на патот кон ЕУ, напиша Бушати на Фејсбук.
Тој додаде дека Рубио со задоволство ја прифатил поканата да ја посети Албанија „ценејќи го нејзиниот придонес во НАТО, особено по неодамнешните случувања на самитот во Хаг“
Бушати објави и фотографија со Рубио, кој го опиша како „пријател на Албанците“.
