Поранешниот тренер на Реал Мадрид, Зинедин Зидан може да го води Пари Сен-Жермен. Според „Марка“, фудбалерите на парискиот клуб веруваат дека 49-годишниот Французин ќе стане шеф на стручниот штаб во блиска иднина.
Името на Зидан се споменуваше за време на разговорите меѓу играчите. Свесни се што се случува во клубот и чувствуваат дека наскоро може да се случи промена.
Претходно, неколку медиуми во Англија објавија дека Маурисио Покетино би можел да го води Манчестер јунајтед, а Зидан да го замени во Пари Сен-Жермен.
