Мозочното крварење е можната причина за смртта на папата Франциско, наместо респираторните проблеми кои произлегуваат од неговата неодамнешна пневмонија опасна по живот, објави АНСА, повикувајќи се на добро информирани извори. Според она што го дознава АНСА, мозочното крварење е можна причина за смртта на Франциско.
Неговата смрт настапила ненадејно утрово во 7 часот и 35 минути и, како што се наведува, не била директно поврзана со болести на респираторниот систем. Мозочното крварење е всушност полоша и посмртоносна варијанта на мозочен удар.
Папата Франциско, кој почина денеска на 88-годишна возраст, како млад бил подложен на тешка операција за отстранување на дел од белите дробови. Со текот на годините често се соочувал со респираторни проблеми, меѓу кои и бронхитис, поради што неколку пати бил хоспитализиран.
