Аргентинската репрезентација триумфираше со убедливи 3-0 против Италија во натпреварот наречен Финалисима, дуел меѓу шампионите на Европа и Јужна Америка.
„Гаучосите“ беа апсолутно подобри на мечот, буквално го прегазија актуелниот европски првак и впечаток е дека можеа да триумфираат уште поубедливо. Лионел Меси командуваше со својот тим и асистираше при два од трите гола на неговата репрезентација, покажувајќи се како вистински лидер на тимот.
