Арсовска го казнила Ѓорѓиевски со 90 000 евра за исфрлање на отпадот пред Дрисла, утре прес на казнетиот

Градоначалничката на Скопје, Данела Арсовска го казни градоначалникот на Кисела Вода, Орце Ѓорѓиевски со 90.000 евра за исфрлање на ѓубрето пред портите на „Дрисла“, објави Сител.

„Согласно последните случувања поврзани со отпадот и денешната информација дека е пишана казна за градоначалникот Орце Ѓорѓиевски во вредност од речиси 90 000 евра поради непрописно одлагање на наталожениот отпад собран од улиците во општина Кисела Вода, утре, среда, 12.07.2023 год., со почеток во 12:00 часот, во просториите на Општина Кисела Вода, градоначалникот Орце Ѓорѓиевски ќе одржи прес конференција“, информираат од Општина Кисела Вода.

Градоначалникот на Аеродром, Тимчо Муцунски, пак, за Сител вели дека до овој момент нема добиено казна како неговиот колега од Кисела Вода.