Австралиската држава Нов Јужен Велс денеска најави дека од понеделник ќе го укине ограничувањето на бројот на присутни за време на венчавки, во баровите и на верски собири, како и дека ќе биде повлечена забраната за работа на дискотеките, која беше воведена поради спречување на епидемиолошкиот бран.
Најавата на властите во Нов Јужен Велс се совпаѓа со наближувањето на летниот распуст и божиќните празници во Австралија.
Тоа претставува најголемо олеснување на рестриктивните мерки откако во март во целата земја стапи во сила вонредна состојба.
