Инфлацијата не престанува да расте во Австрија. Во јуни достигна нова рекордна вредност од 8,7 отсто, највисока инфлација во изминатите 47 години.
Животот на Австријците повторно поскапе значајно и тоа поради наглиот раст на цените на горивото, намирниците, струјата, угостителските услуги.
Мини потрошувачката корпа, што покрај намирници и услуги содржи и гориво, на годишно ниво поскапе за 19 отсто.
Кога станува збор за гориво дизел, во споредба со јуни минатата година, тоа поскапе за околу 65 проценти, додека бензинот за 61 отсто, покажаа податоците на Статистичкиот завод на Австрија.
