Автономниот архиепископ на автономната црква со забрана за „македонска“, пречекан со камбани во Белград

На Фејсбук страницата на Патријархот на СПЦ Порфириј е објавено видео од дочекот на делегацијата на ОА Белград.

На видеото може да се види како Архиепископот Стефан е пречекан од страна на Патријархот Порфириј, при што разменуваат прегратки додека во позадина се слуша звукот на црковните камбани.

-Како што камбаните ѕвонат на Светосавскиот храм, така и нашите срца чукаат од радост поради овој благословен ден. Добредојдовте драги браќа! Добредојде брате Архиепископе Стефане и владици. Добредојдовте во заедницата на љубовта, вие и сиот ваш богољубив народ. Браќа сме и само браќа, стои во Фејсбук објавата на српскиот Патријарх.

Утре поглаварите на СПЦ и ОА, Патријархот Порфириј и Архиепископот Стефан ќе служат заедничка литургија за помирување во храмот Св. Сава во Белград.