Американскиот претседател Џо Бајден изјави денеска дека Израел мора да стори повеќе за да се осигура дека никогаш повеќе нема да се повторат инциденти како убиството на пропалестинската активистка Ајшенур Езги, американска државјанка.
Тој го нарече убиството на активистката на окупираниот Западен Брег „целосно неприфатливо“, пренесува Ројтерс.
Џо Бајден рече дека иако Израел ја презеде одговорноста за нејзината смрт, американската влада очекува да продолжи да има пристап до истрагата за околностите на пукањето.
„Мора да има целосна одговорност.
Бајден, исто така, го осуди насилството на окупираниот Западен Брег од страна на „екстремните израелски доселеници“ и „палестинските терористи“, еден ден откако највисоките американски претставници повикаа на преиспитување на однесувањето на израелската војска на палестинската територија.
„Ќе продолжам да ги поддржувам политиките што ги сметаат сите екстремисти, и израелски и палестинци, одговорни за поттикнување насилство и служење како пречка за мирот“, рече Бајден.
Ајсенур Езги Еги (26), која има американско-турско државјанство, беше убиена минатиот петок на протестен марш во Беита, село во близина на Наблус, каде екстремно десничарските еврејски доселеници постојано ги напаѓаа Палестинците.
Израел рече дека смртта на активистката била случајна.
