Првата светска тенисерка, Ешли Барти изјави дека сака да биде запаметена по нејзиниот конкурентен дух.
– Мислам дека ова е австралиски карактер. Сите ние сакаме да се докажеме како борци. Сакам по завршувањето на кариерата да останам запаметена како личност која ривалите ја почитуваат, која даде сè на теренот и никогаш не се откажа. Се надевам дека можам да го сторам тоа. Во спортот, никогаш не знаете со сигурност што може да се случи следно. Нема гаранции, нема сигурност и навистина е важно да се водат борби што е можно подолго, изјави Барти.
Австралијката исто така ја коментираше можноста да повика тренер на теренот и да се консултира со него за време на натпреварите.
– Има моменти кога тоа ми помага. Понекогаш не го користам. Во секој случај, тоа дава повеќе од само нов изглед на играта. Одлично е ако знаете како ефикасно да ја искористите оваа можност. Мојот тренер Крег Тизер, работи неверојатна работа, обидувајќи се едноставно, прецизно и поконкретно да ми објасни што треба да се направи, додаде Барти.
