Лидерот на албанската опозициска Демократска партија, Љуjзим Баша, вечерва прогласи победата на опозицијата на парламентарните избори во Албанија, само два часа по завршувањето на процесот на гласање.
„Победата е јасна! „Им благодарам на сите граѓани кои гласаа за победата“, рече Баша.
Тој вели дека е убеден дека граѓаните масовно гласале за „Алијансата за промена“ и дека „на крајот, Албанија ќе победи“.
„Верувам дека комесарите ќе го завршат процесот на броење (гласови) со трпеливост, врз основа на законот“, нагласи Баша.
На изборите во Албанија беа регистрирани две изборни коалиции, коалицијата на Демократска партија – Алијанса за промена од 13 партии, предводена од Демократската партија на Албанија (ПД) на Љуjзим Баша и Алијансата на националното единство – имиграција – Час на надеж и конзервативците ( АБЕОК) коалиција., која се состои од четири политички партии.
Според излезната анкета на албанската телевизија Топ ченел, владејачката албанска социјалистичка партија на Еди Рама ги води на изборите, со 46,9% од гласовите, а опозициската Демократска партија на Љуjзим Баша е на пат да биде на второто место, со 43,5% од гласовите. Излезните анкети покажуваат и дека Движењето на социјалистите за интеграција на претседателот Илир Мета ќе го заземе третото место со 6,9 проценти од гласовите.
Сите избирачки места беа затворени во 19 часот.
