Белата куќа денеска соопшти дека американскиот претседател Доналд Трамп „не бил изненаден“ кога дознал дека Русија го нападнала Киев со ракети и беспилотни летала, при што загинале најмалку 19 лица.
„Тој не бил среќен поради веста, но ниту бил изненаден. Ова се две земји кои се во војна многу долго време“, изјави портпаролката на Белата куќа, Каролин Ливит, за новинарите.
Таа додаде дека Трамп ќе даде подетална изјава за ситуацијата подоцна денес.
Според најновите податоци, најмалку 19 лица загинале во рускиот напад врз Киев, 63 биле ранети, додека уште 10 лица може да бидат заробени во урнатините. Нападот, исто така, ги оштетил зградите на меѓународните мисии.
