Американскиот државен секретар Ентони Блинкен денеска изјави дека САД го разгледуваат одговорот на Хамас на пробниот договор за ослободување на заложниците како дел од продолжената пауза во борбите во Газа. Блинкен на прес-конференција во Катар рече дека ќе разговара за одговорот на Хамас со израелските власти кога ќе ја посети земјата утре. Тој одби да открие детали за одговорот на Хамас.
Државниот секретар нагласи дека Вашингтон ќе ги искористи сите средства што му се на располагање за да постигне пауза во борбите што ќе се заснова на предвремено ослободување на повеќе од 100 заложници.
„Договорот е неопходен и можен“
„Има уште многу работа да се заврши, но сепак веруваме дека договор е можен и навистина неопходен“, додаде тој. Соединетите Држави се решени да го искористат секое затишје во борбите за да изградат дипломатски пат кон „праведен и траен мир“ на Блискиот Исток, рече тој.
Претходно денеска Хамас објави соопштение во кое се вели дека го доставил својот одговор до Египет и Катар во врска со предложениот рамковен договор за прекин на огнот за Појасот Газа.
