-Аферата „Онкологија“ уште долго време ќе го оптоварува македонското здравство, и порано сме коментирале, и тогаш сум кажал и ќе повторам дека не е можно овластените или надлежните државни институции да немале информаци за тоа што се случува во Институтот за јавно здравје (ИЈЗ). Знам дека ДЗСИ постојано прави контроли што се случува, посебно на клиниките, а Онкологија е дел од клиниките, дел од Клиничкиот центар. Во Фондот исто така има една инспекторска служба која што на неколку месеци, законска обврска на секои шест месеци прават финансиска контрола односно следат како се трошат средствата на здравствените осигуреници. Значи, не е можно да не забележале дека се одлеваат средства, дека не се трошат како што треба и на крајот Министерството за здравство, министерот има свој тим кој исто така ги следи активностите по здравствените институции, посебно по клиниките, затоа што тука се слева најголемиот број од пациентите. Така што не е можно да не знаеле, изјави Чибишев.
Чибишев се надева епилог на аферата „Онкологија“ и дека инволвираните ќе ја добијат заслужената казна.
-Анкетната комисија заврши голема работа. Тие практично го усмерија целиот проблем во еден правец кој што на крајот резултираше со обвинение, меѓутоа сега ние не можеме никого да критикуваме дека се обидува да прикрие, да го забошоти случајот… затоа што имаме две вкрстени вештачења кои не се правени во Република Македонија, се правени надвор од државата од експерти од други држави. Значи тие ништо не ги обврзува тука или не се познаници со одредени луѓе на кои што ќе сакат да им ги покријат незаконските дејанија. Тие објективно направиле вештачење и дел од тие наводи ние ги слушнавме и во јавноста. Колку пари се потрошени, колку пациенти несодветно се третирале. Јас не знам како тие луѓе не се плашеле од Господ, како не се плашеле да третираат пациенти кои се животозагрозени, да им даваат нешто што не е терапија. Ги убедувале дека добиваат терапија, а ништо не добивале, тоа е грозоморно, страшно… Јас се надевам дека овој пат дека ќе има епилог, ова е прв пат такви сериозни обвиненија да добијат здравствени работници, без разлика дали се доктори или некој друг здравствен персонал. Сериозни обвинеија, не сум правник, но запретени се големи казни и ги охрабрувам судските органи да го тераат ова до крај. Сите што се инволвирани, сите што се огрешиле пред законот да одговараат и да си ја добијат заслужената казна. Само така, можеби минимално ќе успееме да ја вратиме довербата во јавното здраство, рече директороот Чибишев.
Во продолжение погледнете ја целата емисија:
