За една недела се очекуваат да пристигнат пасошите од Германија најави денеска министерот Наќе Чулев.
-Согласно договорот пасошите треба да стигнат на 24 март. Во постојана комуникација сме и вршиме притисок до германската фирма Веридос која ги обезбедува пасошите и од нив имаме одредено ветување дека пасошите би требало да стигнат од 7 до 10 дена, согласно договорот, што значи пред 24 март, истакна Чулев.
Треба да бидат испорачани 100 илјади пасоши.
-Ќе бидат задоволени сите потреби. Како МВР уште сега имаме план за зголемен број извршители во издавање и изработка на пасошите. Согласно со капацитетите на Министерството што значат производство на патни исправи, дневните можности се до три илјади пасоши така што со оглед дека има побарувачка од 27 до 28 илјади пасоши сите потреби би се задоволиле до 10 дена, истакна министерот.
