Наќе ЧУЛЕВ

Во интерес на целосно и точно информирање на јавноста ги информирам граѓаните дека владата на седница која се одржа на 06 април ги донесе следните одлуки:

-Се забранува движењето на граѓаните на територијата на целата држава од понеделник до петок во период од 16:00 до 05:00 часот и за време на викенд од 16:00 часот во петок до 05:00 часот во понеделник. Во однос на лицата со возраст 67 години се забранува движење од понеделник до петок, во период од 12:00 до 10:00 часот наредниот ден. За лицата на возраст до 18 години се забранува движење од 15:00 до 13:00 часот наредниот ден.
– Се забранува собирање во група на повеќе од две лица во паркови и на други јавни места, при што лицата помлади од 14 години кои се во придружба на родител кој е дел од групата не се вбројуваат.
-За време на забраната за движење на граѓаните, сопствениците на домашни миленичиња (куче) кои живеат во колективни станбени објекти може да ги изнесуваат истите надвор најмногу до 100 метри од објектот во кој живеат и тоа: во времетраење од 30 минути, односно од 20:00 до 20:30 часот, а во деновите сабота и недела, наутро од 8:00 до 8:30, попладне од 15:00 до 15:30 и во вечерните часови од 20:00 до 20:30 часот.

– Во однос на пласираните информации во јавноста кои се однесуваат на ограничувањето на групирање на граѓаните во возила и употреба на заштитна опрема ги информирам граѓаните дека не е донесена ваква препорака или одлука, но апелирам до нив да ги почитуваат препораките за социјално дистанцирање и носење заштитна опрема со цел заштита на своето здравје и здравјето на своето најблиски.

Вчера, неговата заменичка Славјанка Петровска од СДСМ, истакна дека додека траат мерките, ограничен е и бројот на луѓе кои можат да се возат во автомобил на најмногу тројца и сите треба да бидат со заштитни средства.