Украинската армија има намера да задржи дел од руската територија што ја освои на „одреден временски период“, а очекуваната руска контраофанзива ќе биде тешка борба, изјави денеска заменик-директорот на ЦИА Дејвид Коен.
Тој додаде дека рускиот претседател Владимир Путин ќе мора „да се соочи со последиците во неговото општество“ поради губење на дел од руската територија, објави Ројтерс.
На 6 август, Украина започна упад во руската област Курск, каде што тврди дека освоила 100 населени места, додека руските сили продолжуваат полека да напредуваат во источниот регион Доњецк.
Украина сега тврди дека контролира повеќе од 1.200 квадратни километри од руската област Курск.
Коен рече дека верува оти Путин ќе започне контраофанзива, но очекува дека тоа ќе биде тешка борба за Русите.
🇺🇦 🇷🇺 #Ukrainian troops are intent on retaining the Russian territory they have seized for “some period of time” and an expected Russian counteroffensive will be a difficult fight, CIA Deputy Director David Cohen said on Wednesday.https://t.co/C2eWWJxhnG#RussiaUkraineWar
— Russia-Ukraine Daily News (@rvps2001) August 28, 2024
Украинскиот претседател Володимир Зеленски вчера изјави дека војната со Русија на крајот ќе заврши со дијалог, но дека Киев мора да биде со силна позиција и дека планот ќе му го претстави на американскиот претседател Џо Бајден и неговите потенцијални наследници.
Путин рече дека секој договор мора да започне со прифаќање на „реалноста на теренот“ од страна на Украина, што би значело дека Русија ќе задржи значајни делови од четири украински региони, како и Крим, потсетува Ројтерс.
