Мандатарот за состав на новата црногорска влада, Здравко Кривокапиќ, им порача на лидерите на Демократскиот фронт дека не ги сака во неговата влада, поради што тие го повикаа да го врати мандатот, јавија црногорските медиуми.
Кривокапиќ на парламентарните избори беше носител на листата „За иднината на Црна Гора“, чиј столб беше Демократскиот фронт (ДФ).
Според порталот Вијести, Кривокапиќ им дал признание на политичарите на партијата Андрија Мандиќ, Милан Кнежевиќ и Небојша Медојевиќ во борбата за смена на Мило Ѓукановиќ, но исто така објаснил дека тимската работа на владата што ја планира бара различен профил на личност од нивниот. Ова го објасни со претходно ветување пред гласачите дека по триесет години партитократија, Демократската партија на социјалистите (ДПС) ќе му понуди на парламентот првенствено професионална влада, но исто така и политички јасно дефинирана како антирежимска и проевропска.
Извори на порталот CdM, изјавиле дека Кривокапиќ сака да се опкружува со луѓе кои немаат баласт на политичка исцрпеност, судски постапки, како поради домашната, така и од меѓународната јавност, и затоа односите меѓу Кривокапиќ и лидерот на ДФ се нарушени со денови.
Локалните медиуми тврдат дека Андрија Мандиќ побарал од Кривокапиќ да го врати мандатот доколку ДФ не биде „столбот“ на новата влада, а лидерите на тој сојуз не се во новата влада и дека ќе бараат нов премиер.
