Рано изутринава, по завршување на седницата на црногорскиот Парламент, полицијата го уапси пратеникот на опозицискиот Демократски фронт, Небојша Медојевиќ, кој е спроведен во затворот Спуж.
Тој е притворен по наредба на претседателот на Вишиот суд, Борис Савиќ поради повеќемесечно одбивање да даде исказ во предмет кој се води против него.
Медојевиќ и неговиот колега Милан Кнежевиќ повеќе месеци одбиваат да достават податоци за судијата кој наводно понудил 10.000 евра за да укине пресуда поради напад на полицаец во 2015 година.
По апсењето, од ДФ предупредија дека Црна Гора се наоѓа на работ на граѓанска војна, а Кнежевиќ порача дека нема доброволно да и се предаде на полицијата и со колегите ќе остане во Парламентот.
На прес-конференција пред Парламентот на Црна Гора, еден од лидерите на ДФ, Андрија Мандиќ ја оцени одлуката за апсење на Медојевиќ како скандалозна, додавајќи дека ДФ побарал итен состанок со претседателот на Собранието, Иван Брајовиќ.
– Ова никогаш досега не се случило во Црна Гора, пратеник за искажан збор, без одземање на имунитет, да се стави в затвор. Тоа е огромен скандал и според проценките на ДФ, Црна Гора се наоѓа на работ на граѓанска војна, нагласи Мандиќ.
Вишиот суд во Подгорица ја прифати жалбата на Специјалното државно обвинителство и му одреди притвор и на вториот пратеник на опозицискиот Демократски фронт, Милан Кнежевиќ поради одбивање на сведочи во предметите на обвинителството, соопшти денеска судот.
Претходно, во раните утрински часови при излез од Собранието беше уапсен опозицискиот пратеник Небојша Медојевиќ, кој е спроведен во затворот Спуж.
Медојевиќ и Кнежевиќ повеќе месеци одбиваат да достават податоци за судијата кој наводно понудил 10.000 евра за да укине пресуда поради напад на полицаец во 2015 година.
По апсењето, од ДФ предупредија дека Црна Гора се наоѓа на работ на граѓанска војна, а Кнежевиќ порача дека нема доброволно да и се предаде на полицијата и со колегите ќе остане во Парламентот.
