Реал Мадрид ја напушти намерата да го привлече напаѓачот на Борусија Дортмунд, Ерлинг Холанд за време на летниот преоден рок, објави „Дејли мејл“.
Ова се должи на високите надоместоци што ги бараа агентот Мино Рајола и таткото на играчот.
Кралскиот клуб ги цени квалитетите на Холанд, но е принуден да се откаже од купувањето во текот на летото. Неодамна се тврди дека цената што ја објави германскиот клуб ќе се намали за 75 милиони евра по паузата во европскиот фудбал предизвикана од пандемијата од коронавирус.
Холанд се пресели во Борусија Дортмунд во јануари оваа година од Ред Бул Салцбург за 20 милиони евра. Напаѓачот оваа сезона има одиграно 11 натпревари за Борусија Дортмунд, постигнувајќи 12 голови и асистираше за еден.
За услугите на Холанд се заинтересирани и Јувентус и Манчестер Јунајтед, кои направија неуспешни обиди да го купат Норвежанецот од Ред Бул Салцбург во текот на зимата.
