Деловната активност во еврозоната забави во март, според внимателно следена студија, бидејќи високите цени и мрачните перспективи ги зголемија стравувањата дека војната во Украина може да го попречи економското закрепнување во Европа.
Индексот на менаџери за набавки (ПМИ), изготвен од С&П (поранешен IHS Markit), падна за 1,0 поени на 54,5 поени, се вели во соопштението. Индикатор над 50 означува раст.
Студијата го нагласува „непосредното и значајно влијание“ на војната врз економијата и „го истакнува ризикот од опаѓање на еврозоната во вториот квартал“, изјави главниот деловен економист на С&П, Крис Вилијамсон.
