Граѓаните на германската покраина Баварија денеска гласаат на избори на кои се очекува дека досега доминантната конзервативна Христијанско-социјална унија (ЦСУ) да доживее неуспех, оценува Асошиејтед прес.
Последиците од таквото сценарио всушност може да бидат непредвидливи за владата на канцеларката Ангела Меркел, пишува АП.
Американската агенција наведува дека околу 9,5 милиони граѓани имаат право да изберат власт во Минхен, каде што ЦСУ е важен, но често и незгоден партнер на Меркеловата ЦДУ, вкупно 51 година во изминатите 56 имала апсолутно мнозинство.
Анкетите укажуваат дека ЦСУ овој пат ќе го изгуби мнозинството, во најголема мера, можеби дури и толку што овој ќе и биде најлош резултат од оние во 1950-тите години.
Агенцијата напоменува за впечаток дека ЦСУ, која зазеде тврдокорен став спрема миграциите, ја губи поддршката и на левичарските и на десно ориентираните гласачи, додека партијата на Зелените ги собира гласовите на либералните гласачи, а најголемиот конкурент ЦСУ, тврдокорната десничарска Алтернатива за Германија (АФД), смета на места во парламентот.
Како што вчера напомена Дојче веле, доколку падне локалната власт на демохристијаните и Зелените, есенва ќе биде вистински бурна за германската канцеларка Ангела Меркел.
