Директорот на Фондот за иновации и технолошки развој (ФИТР), Никола Додов изјави за ТВ 21 дека во Фондот се во тек околу 60 активни постапки, а над 82 компании се со неправилности.
„Во однос на ревизијата, досега активни предмети се околу 60, минатата недела имавме нови 17, а од пред месец дена што се вршат подготовки и примени, некаде ќе стигнат над 80 компании каде што има неправилности, и каде што Комитетот одлучил дека они не ги исполниле ниту обврските, ниту проектните активности, ниту пак го испочитувале буџетот кои самите го презентирале“, вели Додов.
Како што вели, четири од нив отвораат фирми, аплицираат за инструментот што дава најмногу пари, потоа кварталот од 6 го кратат на 1, средствата ги добиваат наеднаш и фирмата оди во стечај.
„Има компании кои што незнајќи ги процедурите заглавиле во лавиринти“, вели Додов.
Директорот на Фондот за иновации и технолошки развој (ФИТР), Никола Додов изјави дека сите компании кои аплицирале во Фондот се истражуваат.
„1100 компании се истражуваат“, истакна Додов.
Но иако фондот постои 12 години, сепак се истражуваат само последните пет години бидејќи согласно законот, тие по 5 години стануваат апсолутно застарени.
