Највозрасниот син на американскиот претседател, Доналд Трамп Јуниор утре ќе ја објави својата автобиографија под наслов „Triggered: How the Left Thrives on Hate and Wants to Silence Us”, па претходно во најава спомна и неколку пикантерии од книгата.
– На крајот испадна дека не сум руски агент, се вели во еден од цитатите на Трамп Јуниор (41), говорејќи за обвинувањата за негова поврзаност со руските разузнавачки служби околу американските претседателски избори 2016, кога победи неговиот татко.
Во книгата, помладиот Трамп говори и за дружењето со контроверзниот пејач Мајкл Џексон, односно, како играл Нинтендо со него.
Натаму, тој вели и дека татко му повеќе ја заслужува Нобеловата награда за мир од неговиот претходник Барак Обама, лауреат од 2009 година.
