Во САД се извадени „ножеви“ кон Камала Харис бидејќи донаторите и персоналот на кампањата се прашуваат како таа можела да собере и потроши 1 милијарда долари во кампњата, да ги загуби изборите и последователно да заврши во долгови од милиони долари.

Потпретседателката останува скриена зад затворени врати втор ден по ред без јавни настани во нејзиниот распоред, известуваат медиумите. Во меѓувреме, Демократската партија се справува со последиците од нејзиниот долг од предизборната кампања, за кој се наведува дека изнесува до 20 милиони долари, и е загрижена дека тоа може да ги чини за две години кога ќе ги молат донаторите за пари за среднорочните избори.

Донаторите се бесни и бараат одговори каде отишле нивните пари. Тие, исто така, се прашуваат зошто кампањата одржа седумцифрени настани на познати личности во своите завршни денови и се жалат на недоволната транспарентност околу одлуките за трошење.

Собирањето средства продолжува долго откако гласачите го кажаа својот збор и го избраа Доналд Трамп, а нема план да се прекинат мејловите и пораките во скоро време. Дури и изборниот штаб на Харис е бесен поради ситуацијата. Еден висок функционер на кампањата изјави за NBC News дека фактот што од поддржувачите сè уште се бараат пари – дури и откако Харис загуби – е „ужасен“. Друг го нарече тоа „одвратно“.

Гласините велат дека кампањата трошела огромна сума на пари за да купи поддршка од познати личности, музичари и инфлуенсери.

Од Fox News:

Поднесоците на FEC покажуваат дека кампањата на Харис извршила две исплати од 500.000 долари на продуцентската компанија на Опра Винфри, за кои првпат објави Вашингтон Егзаминер, на 15 октомври, еден месец откако Винфри се појави со Харис на настан во градското собрание и неколку недели пред Опра да излезе на сцената со Харис во митинг во Филаделфија пред денот на изборите.

На долгата листа на познати личности кои и се придружија на Харис во кампањата беа Бијонсе, Бон Џови, Рики Мартин, Џенифер Лопез и Брус Спрингстин.

The Washington Examiner, исто така, објави дека кампањата на Харис потрошила над 12 милиони долари на консултанти за дигитални медиуми и „потрошила шест цифри за изградба на сет за појавување на Харис на популарниот подкаст Call Her Daddy со водителот Алекс Купер“.

Кампањата потрошила најмалку 15 милиони долари за „продукција на настани“, покажуваат податоците на FEC, при што многу плаќања се совпаѓаат со настани од висок профил и концерти со познати личности присутни или изведувачи.

Економски тајмс известува:

Надвор од подкасти и одобрувања за ток-шоу, кампањата, наводно, инвестирала до 20 милиони долари на серија концерти низ седум сојузни држави во пресрет на изборите. На овие настани учествуваа големи ѕвезди, вклучувајќи ги Џон Бон Џови во Детроит, Кристина Агилера во Лас Вегас, Кети Пери во Питсбург, Лејди Гага во Филаделфија и Чејнц во Атланта.