В среда на 3 април, ден пред стартот на предизборната кампања за претседателските и парлемнатрните избори, ТВ Канал 5 ќе има чест да ни го претстави долгоочекуваниот и одлучувачки „ДУЕЛ ЗА МАКЕДОНИЈА“, помеѓу најголемите политички опоненти и претенденти за премиер – Димитар Ковачевски лидер на СДСМ и Христијан Мицкоски лидер на ВМРО-ДПМНЕ, објави ТВ Канал 5.
Каков претседател ѝ треба на државата? Каква платформа ќе нѐ очекува од ВМРО-ДПМНЕ, а која година во ЕУ може да се надеваме со СДСМ? Уставни измени или нов договор со ЕУ и Бугарија – кое е поверојатно сценарио за земјата да остане на европскиот колосек?
Граѓанска, мултиетничка или бинационална – во каква Македонија ќе живееме? Има ли етика во политиката или целта да се стигне до 61 пратеник ќе ги оправда сите коалиции?
Како да се стави крај на корупцијата и младите повторно да гледаат перспектива дома?
Кој се „бори“ за Македонија, а кој за фотелјата на Илинденска… Што се црвените линии на Ковачевски, а што на Мицкоски во „ДУЕЛОТ ЗА МАКЕДОНИЈА“, во Само вистина, среда 3 Април 18.30 часот!, се вели во објавата на ТВ Канал 5.
